Mizoram Civil Service (MCS) Junior Grade a mi 16 te chu Senior Grade-ah kaisangin an hna thawhna siamthat a ni a, heng zingah hian Thingdawl-a BDO nilai F. Lalnisai chu Serchhip-ah EO leh BDO hna chelh tura rawn dah thar a ni a, a hmain Serchhip-ah SDC hna chelhin a lo awm reng tawh a ni. Heng bakah hian Lunglei-a SDC/ASO nilai K. Lalhlimpuia chu Thenzawl a SDO (Civil) hna chelh tura sawn a ni bawk. Heng bakah hian MCS Officer thenkhat hna chelhlai tih danglam niin Serchhip-a SDO (Sadar) Rebecca Laldinmawii Hrahsel chuan DUDO hna a chelh zui tawh dawn a, Serchhip-a SDC nilai Lalhruailiana Zote chu Lungsen BDO hna chelh tura sawn a ni bawk a, Serchhip-a SDC ni mek C. Vanlalchhanhimi chuan DLAO mawh-phurhna a chelh zui dawn bawk a ni.
