Kolasib District-ah Oil Palm nuai 95 man vel hralh

Zonuna Kawlni /

Kum 2023-2024 chhungin Kolasib District a Oil Palm chingtute chuan Oil Palm rah cheng nuai 95 man an hralh tawh.

Oil Palm hi Central Scheme hnuaia chin niin a chingtuten Oil Palm an chin tan tirh atangin Scheme atanga tanpuina chi hrang hrang a thlawnin an dawng a, Oil Palm tiak an dawn bakah an huan thlengin a thlawnin Oil Palm tiak hi dahsak thin an ni a; Oil Palm rah an hralh theih hma kum 4 chhung atan Oil Palm an phun tam dan a zirin a enkawlna tur tanpuina sum pawh kumtin pek thin an ni bawk. Hei bakah hian Oil Palm phunna atan ram an buatsaihna tur te, Half-Moon Terrace siamna leh Tui dahkhawlna tur te, eichhetu laka Oil Palm venhimna turte bakah, Oil Palm rah lawhna atana an hmanraw mamawh te thlengin pek thin an ni a, Kolasib District Agriculture Office in hetianga Oil Palm chingtuten tanpuina hrang hrang nikum 2023-24 chhunga an semchhuah hi cheng nuai 95 vel a ni.

Tun dinhmunah Oil Palm huan siama hralh-chhuak hi Kolasib District chhungah chhungkaw 300 vel awm mekin, heng mi te hian ram Hectare 500 vela zauah hma an la mek a, kum 2023-24 chhung khan Oil Palm rah Metrictonne 70 vel tharchhuakin cheng nuai 95 vel an lei a ni. Oil Palm tharchhuah te hi Bukvannei-a Oil Palm Mill-a her turin Godrej Agrovet Ltd. te chuan an leisak , Oil Palm an hralhna man hi Godrej Agrovet Ltd. te chuan Oil Palm chingtute Account-ah thla tin vawi hnih an thun sak thin a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »