Dengue vangin mi 8 thi tawh

Zonuna Kawlni (LENKAWL) • August 12, 2024 • Comments • Mizoram

Dengue hri leng avangin Mizoram-ah mi 8 an thi tawh.

Health and Family Welfare hnuai a State Vector Borne Diseases Control Programme (SVDBCP) hotute sawi danin kumin July thla khan Aizawl Tuikual Veng ami chu Dengue vangin a thi a. Kum 2022 khan mi 5 thiin nikum khan 2 an thi bawk. Kumin ah hian Dengue hri kai nia inringhlel mi 3,186 Sample endik zinga 228 chuan he natna hi an vei tih hmuhchhuah a ni a. An zinga mi 126 te hi Aizawl District ami an ni a, Lunglei District-ah Dengue vei hmuhchhuah 94 an awm bawk a, District dangah awm ve bawk mah se, Aizawl leh Lunglei District hi Dengue hri kai hmuhchhuah tam berna an ni.

Kum 2013 kha Mizoram-a Dengue natna kai hmuhchhuah hmasak ber kum a ni a, kum 2022 kha hri kai hmuhchhuah tam kum leh thihpui pawh an tam ber kum niin nikumah pawh khan Dengue hri vei hi an tam tho a ni.