Indian Airforce-a hlan duh lo

Zonuna Kawlni /

Mizoram Pradesh Congress Committee (MPCC) Sr. Vice President Lalnunmawia Chuaungo chuan nimin khan Aizawl Press Club-ah thuthar thehdarhtute kawmin, Lengpui Airport enkawl chungchang zirchianga rawtna siam tura din Working Committee chuan Lengpui Airport tihchangtlun bakah enkawl chhunzawm turin Indian Airforce chauh beisei tur a hmu niin report a awm thu sawiin, Indian Airforce kutah hlan lo tura sawrkar an ngen thu a sawi a. Lengpui Airport chu Congress sawrkar hmalaknaa din a nih thu sawiin, a tirah sawiselnate pawh awm mah se hun kal zel ah mi tinin an hmang tangkai hle tih a sawi a. India-a Commercial Airport 140 vel zînga State Sawrkar-in a enkawl awmchhun a nih thu sawiin, kawng hrang hrangin a changtlun tawk loh thu leh tih changtlun a tul thu sawiin, Airforce kuta a awm chuan nakin zelah thuneihna chin chungchangah te buaina tawh thulhah an kut a hlan loh a that thu leh Airport Authority of India kuta hlan an duh zawk thu te a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »