Gas Pipelines phum hna thawktute CM in a kawm

Chief Minister Lalduhoma chuan Zirtawpni khan a Pisa-ah Indradhanush Gas Grid Limited (IGGL) a CEO Ajit Kumar Thakur chu kawmin an hnathawhna leh hmalakna te a sawipui a. Indradhanush Gas Grid Limited te hian Tripura atanga Mizoram-a Gas pipeline rawn phum hna thawk mekin Aizawl-a Gas Pipeline Connection kalpui turin ruahmanna an siam mek a ni.

Indradhanush Gas Grid Ltd. hi Sawrkar Laipuiin Hmarchhak State khawpui zawng zawngte Gas Pipeline a thlunzawm hna a pe a, Mizorama Gas Pipeline lo lut tur hi Tripura a Panisagar atanga lo lutin Mamit District paltlangin Aizawl alo thleng dawn a, he pipeline hi feet khat bial lian tur niin km 127 a thui a ni dawn a ni. Indradhanush Gas Grid Ltd. te hian Guwahati, Silchar leh Tripura-ah te hna an lo thawk tawh bawk a ni.