FCI in buhfai zuarchhuak dawn

FCI kaltlangin Open Market Sale Scheme OMSS (D) hnuaiah man awmze nei zawkin August ni 7 atang hian E-Auction hmangin buhfai zawrhchhuah a ni dawn. Food Corporation of India Divisionl Manager Zodinpuii Ralte chuan nimin khan thuthar thehdarhtute kawmin buhfai hi quital 1-ah Rs. 2800 a nih dawn thu leh Fortified Rice-ah chuan quital khatah Rs. 73 zel belh tur a ni tih a sawi a. OMSS(D)-a buhfai a hlawma la duhte chuan a tlem berah Metric Ton 1 an chhang thei anga, mimal tinin an kudam theuh belkhawmin, E- Auction hmanga bial pakhat atanga a chhan theih san ber chu Metric Ton 2000 aiin a tam lo tur a ni, a ti bawk. August Ni 7 hian MJUNCTION portal ah E- Auction hmang hian zing dar 11:00 atanga tlai dar 2 thleng in buhfai a hlawma la duh ten tender an chhang thei dawn a, buhfai stock pawh an ngah tawk tih a sawi bawk.