Deptt. hotute nen thukhawm

Champhai North Bialtu MLA leh Adviser to Chief Minister (Technical), Er. H. Ginzalala hovin nimin khan Champhai District chhunga sawrkar Department hotute Champhai DC Conference Hall-ah an thukhawm a, he hunah hian Champhai District tana sawrkar hmalakna kal lai te, hmachhawp leh hmathlir hrang hrang te an sawiho a. Mipuite tan hlawk lehzuala sawrkar in hna a thawh theih nan thawhhona tha neih a tul thu Adviser to CM hian sawiin, Sawrkar Department hotute hnen atangin an hmalakna, hma-chhawp leh an mamawh te a ngaithla bawk.