Candidate chiang dawn hnai

Serchhip District chhung Village Council pahnih a by-election neih tur atana Party hrang hrangte Candidate chu Vawiin hian hriat kim theih beisei a ni.
Thla thar September 24-ah Serchhip Chhim Veng leh New Serchhip North Village Council a by-election neih tur atan hian Political Party te ngawrh takin an inbuatsaih mek a, MNF Party chuan Serchhip Chhim Veng VC-ah hian VC Vice President boralta C. Laldinpuia nupui Lalbiakdiki chu an din tir dawn nia thudawn a ni a, New Ser-chhip North VC-ah pawh hian VC Member thi ta B. Zaruala fapa, B. Lalpanliana chu an din tir dawn nia thudawn a ni bawk.

ZPM Party chuan heng VC by-election a an Candidate tur hi Vawiin hian a hriat theih dawn thu LENKAWL an hrilh a, Congress Party pawhin an Candidate puang tura an la inpeih loh deuh thu sawiin, Vawiin lamah a chian tur thu LENKAWL an hrilh bawk a ni.

Tarlan tawh angin heng VC pahnih a by-election neih tur chuh tum te tan hian Sept. 3, 2024, karleh Thawhlehni thlengin Nomination Paper thehluh theih a ni ang.