BBBP Adopt a School-a thlan ah Computert leh lehkhabu hlan
100 Days Special Awareness Campaign Under Sankalp, Hub for Empowerment for Women (HEW) Serchhip District hnuaia Adopt a School Programme atana thlan Govt. High School Ser-chhip-a Computer Set leh Lehkhabu hlanna hun ah hian Zoramthangi chuan India ram hmun hrang hrangah hmeichhia te dinhmun a la thalo in, hmeichhia te hi phurrit an ni thin tih sawiin, chuvang chuan nausen hmeichhia atanga puitling te tan Sawrkar laipui chuan hmeichhe dinhmun chawikan nan dan hrang hrang siamin a bik taka hmeichhe naupang chawikan nan BBBP pawh duan a nih thu a sawi a. Hneichhe dinhmun chawikanna turin khawtlang anga kan rilru puthmang thlak a ngai tih a sawi bawk.
BBBP hmalakna hrang hrang sawiin W&CD Director chuan, an hmalakna pakhat atan ‘Adopt a School Programme’ hnuaiah Setchhip District-ah Govt. High School Serchhip chu School enzui bik atan thlan a nih thu leh an hmalak dan tur te a sawi a, zirlai ten zirna kawnga hma an sawn zelna tur kawnga tangkai taka an hman turin he School Headmaster David Laldintluanga hnenah Computer Set 3 leh Library-a dah tur Lehkhabu te hi a hlan a ni.
BBBP Adopt a School programme hnuaiah hian Zirlaite hmasawnna tur kawnga pui turin Library din a ni anga, Spoken English, Mathematics Special Class leh Skill Development Prog-ramme leh Awareness programme hrang hrang neih thin tur a ni dawn a. Inrinni-a he School-a heng bungrua inhlanna hunah hian Zirlaite leh Zirtirtute bakah Zirlai nu leh pa te an tel a, School Headmaster David Laldintluanga chuan lawmthu a sawi bawk a ni.