August 9-ah National Deworming Day hmang dawn

Zonuna Kawlni /

Nimin khan Serchhip-ah District Level Co-ordination Committee on National Deworming Day chu thukhawmin Serchhip District-a National Deworming Day hman dan tur rel a ni.
 Serchhip CMO Conference Hall-a thutkhawm hi Serchhip a Sr. CMO Dr. LP. Malsawma chuan kaihruaiin naupang kum 1 atanga 19 inkarte hnena rampum huapa a ruala rulhut hlo (Albendazole) eitirna hun, National Deworming Day hi kumtin vawi hnih hman a ni thin a. India ramah kum 2015 khan State leh UT 11-ah bultan a ni a, a hlawhtlinna hmuh a nih hnuin India ram pumah February 2016 atang khan kumtin hman chhun-zawm a lo ni ta a ni. Rulhut pai avanga natna hrang hrang thleng theite dona tur leh, thisen tlakchhamna te leh naupang than thu um bona turin National Deworming Day hi hman thin a ni.

He thutkhawm ah hian kumin a National Deworming Day vawi hnihna hman dan tur rel a ni a, National Deworming Day hawnna hun hi August ni 9, 2024-ah neih tur niin P&E Veng-a Anganwadi Centre-ah hun hman tura ruahman a ni a. Hemi ni hian naupang kum 1 atanga kum 19 inkarte chu rulhut hlo (albendazole) eitir an ni dawn a. Serchhip District chhunga zirna In zawng zawng bakah Anganwadi Centre hrang hrangah ASHA te nena tangkawpin damdawi eitir vek tum an ni a, School kal tawh lo te pawh damdawi hi eitir vek tura ruahman a ni. National Deworming Day denchhen hian August, 2024 chhung hian Serchhip District a naupang rulhut damdawi an pek tur zat bituk (target) chu 22,697 an ni.

He thutkhawm ah hian Serchhip District-a National Deworming Day hman tawh thin dan tarlan a ni a. National Deworming Day hnunhnung ber February 2024-ah khan an target atangin za zelah 97.7% an tlin a. February, 2023-ah 96.96% leh August 2023-ah 99.35% an tlin bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »