ASF vangin kumin ah Vawk 1845 a thi tawh
Serchhip-a AH&Vety Department ten an chhinchhiahna atanga a lan danin nimin khan Serchhip District-a Veng leh khua 13-ah Vawk thi 31 lai chhinchhiah thar leh a ni a, Vawk thi la chhinchhiah lohna Chekawn khua ah Vawk thi pahnih chhinchhiah thar niin heti hian Serchhip District-a Veng leh khua 30-ah ASF vanga Vawk thi hi kumin ah 1845 a awm ta a, chhungkaw 1355 ten harsatna an tawk tawh a ni. Nimin a ASF vanga Vawk thi tamna ber New Serchhip South-ah Vawk 8 thiin Chanmari Veng-ah Vawk 7 a thi bawk a, North Vanlaiphai-ah 4 thiin Chhiah-tllang leh Chekawn-ah pahnih ve ve a thi a, Chhingchhip, Chhuanthar Tlangnuam, Khawlai-lung, East Lungdar, Serchhip Hmar Veng, Field Veng, New Serchhip North leh Dinthar Veng-ah pakhat theuh a thi bawk.
Nimin vek khan Veng leh khua 11-ah Vawk 87 suat leh a ni bawk a, nimin a Vawk suat tamna ber New Serchhip North-ah 21 suat niin Serchhip Chanmari Veng-ah 20 leh Chekawn-ah 15 suat a ni bawk a, nimin thleng khan Vawk 4724 zet suat a ni tawh bawk a ni.