KPP Intawhkhawm atan Organising Committee din

Kum 2026-a Serchhip khua in Presbyterian Kohhran hnuaia Kohhran Pavalai Pawl (KPP) Zoram pum huap intawhkhawm a dawn tur atan Organising Committee din fel a ni ta.
Serchhip khua a Kohhran Pavalai Pawl Intawhkhawm neih tur hi a tirah Presbyterian Serchhip Pastor Bial in a thlen tura tih ni mah se Serchhip-a Pastor Bial pathum- Serchhip, New Serchhip leh Serchhip Vengchung Pastor Bial ten an inthlentawm dawn ta zawk a, Organising Committee pawh din fel ni tawhin Chairman-ah Upa Vanlalchhunga (Serchhip Veng-chung Bial); Vice Chairman-ah heng Pastor Bial pathum vawngtu Pastor te bakah FG&CC-a Counsellor te ruat an ni.

Heng bakah hian Secretary-ah Upa C. Lalthianghlima (Serchhip Bial); Joint Secretary-ah V. Laldinliana (Serchhip Bial), T. Upa K. Laltlanmawia (New Serchhip Bial) leh C. Zai-remmawia (Serchhip Vengchung Bial); Treasurer-ah Upa C. Vanlalsiamthara (Serchhip Bial) bakah Fin. Secretary-ah Upa C. Zonunsanga (Ser-chhip Bial) te ruat an ni a, Patron atan Serchhip Bialtu MLA leh Serchhip District Bawrhsap te ruat an ni bawk.

Kohhran Pavalai Pawl hi kum 2011 atang khan Synod Revival chuan a enkawl a, Aizawl-a Kohhran hrang hrangah Intawhkhawm hi neih thin niin kumin khan a vawi khatna atan Aizawl khawpui pawn lamah neiin East Lungdar in an thleng a, kum 2026-ah chuan Serchhip-ah neih a ni dawn a ni.