AMC by-election nei dawn

Aizawl Municipal Corporation (AMC) Ward No. VI Corporator John Zosangliana Ralte chu a boral avangin a Seat ruak hnawhkhah nan hian August 22, 2024 khian by-election buatsaih a ni dawn tih State Election Commission (SEC) Mizoram chuan nimin khan a puang a. Kum 2021 a AMC inthlanpui-ah khan he Ward hi General Seat a nih angin by-election ah pawh hian General Seat a ni leh dawn a ni. He inthlanna neih tur chuh tum te tan hian tun thla ni 8 thlengin hming pekluh theih a ni dawn a, a tuk-ah hming pekluh te hi enfiah nghalin August 12, 2024 thlengin inhnuhdawh theihna hun hawn a ni anga, August 22, 2024-ah zing dar 7:00 atanga tlai dar 4:00 thlenga Vote thlak hun hawngin Vote tla te chu August 26, 2024-ah chhiar a ni ang.

AMC-ah hian Ward 19 awmin tunah hian MNF in Corporator 11 an nei mek a, Ward No. VI hi MNF in Corporator an neihna niin ZPM in Corporator 6 leh INC in pahnih an nei mek bawk a. Tun tuma thlantlin hian AMC Term kum nga (5) kal mek chu zawmin Inthlanna neih tur puan a nih rual hian an Ward-ah hian Model Code of Conduct hman tan nghal a ni bawk.