Hnahthial-ah DC hovin thlirho

Nimin khan Hnahthial-ah District Bawrhsap Rita Lalnunmawii Pachuau hovin ‘Maternal & Child Death Review Meeting’ neih a ni a, he hunah hian Bawrhsap chuan kum 2023-2024 chhungin data-a a lan danah nu nau nei thi zat (Maternal Mortality rate) leh naupang kum nga hnuailam thi zat (Under-5 Mortality rate) te chu an District-ah Nil a nih avangin lawmawm a tih thu a sawiin, hei hi hnathawktute thawh that zar liau liau anih avangin hnathawktute hnenah lawmthu a sawi a. Hetih rualin tha taka thawk zel turin a fuih nghal bawk a ni. Tunhnaia Doctor lem an lo awm thin ta chu Bawrhsap chuan pawi a tih thu leh hlauh-awm a tih thu a sawi a. Mipuite hnenah inhrilhriatna tha zawk awmin mipute chu Doctor dik tak ngei pan tura a duh thu a sawi bawk.