Vawk thi la awm belh zel
Serchhip-a AH&Vety Department in an chhinchhiah danin nimin khan Serchhip District-a Veng leh khua 11-ah ASF vanga Vawk thi 22 chhinchhiah leh niin Vawk thi 4 chhinchhiahna New Serchhip South chu nimin-a Vawk thi chhinchhiah tamna ber a ni a, Serchhip Chhim Veng-ah 3 leh Hmar Veng-ah pakhat chhinchhiah belh niin heng bak hi Serchhip khawpui chhungah Vawk thi chhinchhiah belh a awm lo a, Baktawng leh North Vanlaiphai ah vawk pathum ve ve a thi bawk.
Nimin vek khan Veng leh khua 9-ah Vawk suat 50 lai a awm belh leh a, Lungchhuan khua ah vawk 14 suatin Serchhip Dinthar-ah 12 New Serchhip North-ah 8 te chu Vawk suat tam zualna khua a ni. Heti hian nimin thleng khan Serchhip District-ah kumin a ASF vanga Vawk thi chu 1781 niin Thenzawl khua chu Vawk thi tamna ber niin 519 a thi tawh a, nimin thleng khan Serchhip District-a vawk 4506 suat ni tawhin Vawk suat tamna ber Chhingchhip-ah 1288 suat a ni tawh bawk a ni.
Nimin khan New Serchhip North leh Khawlailung khua te chu ASF hri lenna hmunah puan a ni ve leh a, New Serchhip North ah hian vawk 5 thiin 24 suat a ni tawh a, Khawlailung-ah hian Vawk 53 thiin 117 suat a ni tawh bawk.
Comments
Post a Comment