Tang tlanchhuak enkawl mek
Tun thla ni 6-a Serchhip District Jail atanga tlanchhuak Lalnunnema hi tun thla ni 8 khan Vanchengte-ah man leh niin Kham sang tak ah a chetsual avangin a taksa ah hliam a tuar a, hei vang hian Serchhip rawn thlenpui a nih hnuah Doctor ten enfiahin ZMC-ah enkawl tura tih a ni. Lalnunnema chhungte sawi danin ZMC-a an enkawl hnu hian Serchhip District Hospital-ah enkawl tura tih leh niin Zirtawpni khan Serchhip rawn thlenpui a ni a, Serchhip District Hospital-ah hian khum a awm loh avangin Police te chuan kawl zuiin Inrinni khan Serchhip District Court-ah hruai a ni a, hemi hnu hian Jail-ah dah leh niin Inrinni khan nikhaw hre lo a a awm zui avangin damdawi In ah hian hruai leh a ni a. Hetianga enkawl a tul avang hian Bail tumin a chungte hian an buaipui mek nia thudawn a ni bawk.