Lirthei lian tlan dan siam

Serchhip atanga Hnahthial panna kawngpui chu Hnahthial paltlang tur lirthei lian tan chhun lamah tlan khap rih a ni.
Hemi chungchanga Serchhip SP in thuchhuah siama a tarlan danin Hnahthial DC leh SP ten Hnahthial khaw chhunga NH-02 kawngpui a tlakhniam avanga lirthei a kaltlang theih loh avanga ngenna an siam angin NH. 02 kawngpui, Serchhip - Keitum - Hnahthial kawng chu chhim lam pana Hnahthial khaw chhung pal-tlang tur lirthei Medium Motor Vehicle (MMV) leh Heavy Motor Vehicle (HMV) chin tan ni tin zing dar 9:00 atanga tlai lam dar 5:00 chhung tlan khap a ni a, hemi chhung hian heng lirtheite hian Serchhip Sailiamkawn - Thenzawl - Lunglei kawng an zawh thei ang

He thupek hi July 14, 2024 atanga hman tan tur kha niin he thupek hian rikrum thil, emergency duty leh tul dang avanga phalna la te a huam lo a. Thupek zawm lo chu MV Act Section 179 hmangin hrem an ni ang.