Serchhip-a Weightlifting inelna ah Aizawl an chetha

Serchhip District Weightlifting Association (SDWLA) buatsaiha Serchhip Boxing Hall-a neih ‘Mizoram Inter-District Senior Weightlifting Championship-2024’ chu Zirtawpni zan khan zawhfel a ni a, a pumpui-ah Aizawl District chu an chetha hle.
He Intihsiakna ah hian Mipa inelna ah Aizawl District hian Gold 8 bakah Silver pahnih leh Bronze pakhat, a vaiin Medal 11 lain Team Champion an ni a, Gold la dang awmchhun Siaha in Gold pakhat an la ve bawk a ni. Mipa inelna ah hian Champhai District in Silver pakhat leh Bronze pahnih lain Serchhip leh Kolasib District in Silver pakhat ve ve an la a, Saitual leh Lunglei District in Bronze pakhat ve ve an la bawk.

Hmeichhe inelna ah pawh Aizawl bawk an chungnung leh a, Gold 6, Silver  pahnih leh Bronze pakhat, a vaiin Medal 9 lain Team Champion an ni a, Serchhip in Gold pakhat leh Silver pathum, a vaian Medal 4 lain Khawzawl in Gold pakhat an la bawk a, Champhai in Silver pahnih leh Bronze pathum lain Lunglei District in Silver pakhat leh Bronze pathum an la bawk a ni.

Comments

Popular News (Last 30 Days)

Serchhip DCSO sawn a ni