Minister pahnih in SYS Football Academy tlawh

Sports & Youth Services Department Minister leh Mizoram State Sports Council (MSSC) President Lalnghinglova Hmar leh Supply Minister B. Lalchhanzova te chuan nimin khan Serkawn-a Sports & Youth Services Football Academy an tlawh a. Sports Minister chuan SYS Football Academy chuIndia ram hmundanga Football Academy te aia a hniam zawkna a awm lo tih sawiin, “Tumruhna leh thawhrimna nena in beih fat fat chuan hlawhtlinna in a la hmuak ang che u. Thawhrimna zawng zawngah malsawmna a awm tih hre reng u la, In hma a kal Mizo Footballer hlawhtlingte hi tumruhna leh taimakna nen zin kawng lo zawha, harsatna inbawhbeh tir duhlotute an ni,” a ti.

SYS Football Acdemy-ah hian naupang 28 an awm mek a, Supply Minister B.Lalchhanzova pawhin Academy naupangte chu inpum-pekna pumhlum leh thawhrimna nena an beih chuan tun atanga kum 3 hnuah chuan a rah hmu tur a awm tawh a beisei thu a sawi bawk a ni.