Kumin ah ASF vangin Serchhip District-ah Vawk 1629 a thi tawh

Zonuna Kawlni /

Kumin chhungin Serchhip District-ah African Swine Fever (ASF) vanga Vawk thi 1629 awm tawhin Vawk 4219 suat a ni tawh bawk.
 Nimin khan Serchhip District-a Veng leh khua 7-ah ASF vanga Vawk thi 22 awm lehin Serchhip District a ASF vanga Vawk thi tamna ber Thenzawl khua ah Vawk 9 a thi leh a, New Serchhip South-ah Vawk 6 thiin North Vanlaiphai leh Serchhip Chanmari-ah Vawk pahnih ve ve a thi a, Chhiahtlang, East Lungdar leh Serchhip Chhim Veng-ah Vawk pakhat theuh an thi leh bawk. Heti hian kumin chhungin Serchhip District-ah ASF vangin Vawk 1629 a thi tawh a, Thenzawl-ah Vawk thi tam berin 484 a thi tawh a, North Vanlaiphai-ah Vawk 278 thi tawh bawkin Baktawng-ah 107 a thi tawh bawk.

Nimin vek khan Serchhip District-a veng leh khua 11-ah ASF hri leng darh zel tur venna atan Vawk 103 suat leh a ni bawk a, heng zinga 36 te chu New Serchhip South huamchhunga mi te niin Serchhip Kawnpui North-ah 20 leh Then-zawl-ah 17 suat a ni a, Serchhip P&E Veng-ah 13 suat leh ni bawkin kumin chung hian Serchhip District-ah Vawk 4219 suat a ni tawh a ni.

Serchhip District-ah hian Veng leh khua 29 te chuan ASF hri hi tuar mekin chhungkaw 1191 ten harsatna hi an tawk tawh a, tun thlengin Veng leh khua 18 te chu ASF hri lenna hmun, Infected Area-ah puan a ni tawh bawk a ni. 

Hetihlai hian Mizoram-ah kumin hian ASF vangin Vawk 7201 zet a thi tawh a, Vawk 13,292 suat a ni tawh bawk a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »