Insualna ah vanduaina tawkin boral

Zirtawpni zan dar 11:00 vel khan Ramengmawia (21) chu a boral a, a thiante nen an insualna ah vanduaina tawkin a boral nia thudawn a ni.

Ramengmawia S/o TC. Biakhnuna (L) hi Serchhip Field Veng-ah mahni-a khawsa niin Zirtawpni zan dar 11:00 vel khan Serchhip damdawi In thlenpui a ni a, hetah hian a lo boral hman tawh a. Damdawi In-a kalpuitute hian Serchhip Chanmari Vengthar-ah Ramengmawia te nen hian an len thu leh an insual thu sawiin, hetah hian lumin vanduaina hi a tawk niin an sawi a ni. Ramengmawia thihna chungchang hi Serchhip Police te chuan chhui zui nghalin Zirtawpni zan vek khan a hmuna awm te thu an zawhfiah bakah a insualpui Rawpui lam mi, Serchhip Chanmari Vengthar-a In luaha khawsa nia insawi pawh man nghal a ni a, a ruang hi Postmortem niin hmuh theih mai ah chuan hliam na hnuhma a awm lem lo nia thudawn a ni.