Home Secretary-ah thlen

Rajya Sabha MP K. Vanlalvena leh Chakma Autonomous District Council (CADC)-a Chief Executive Member (CEM) Rasik Mohan Chakma MLA te chuan niminpiah tlai khan Union Home Secretary for Border Managemen, Dr. Rajendra Kumar chu New Delhi-a a Pisa-ah hmuin Bangladesh ramri hrûla chengte hmasawnna tur hrang hrang an sawipui a. Indo-Bangladesh ramri hung pawna mihring chengte chu an chungchang ngaihtuah at?ul thu Union Home Secretary hnenah hian thlenin, Ramri hung chhunga In leh lo dinsak an tul thu te leh kum tam tak kal tawha BRTF te kawngpui siam chuan ngaihsak a hlawh loh avangin sawrkar laipuiin ngaihsak thuai se an duh thu an thlen bawk a. Kum 2021-a Bangla-desh ramri hrula chengte hmasawnna tur project thehluh tawh tun thlenga hmalakna hmuh tur la awm lo chungchang an thlen bawk.

Union Home Secretary Dr. Rajendra Kumar chuan heng an thu thlen hrang hrangte chu a rang thei ang bera lo bawhzuisak a tum thu Rajya Sabha MP leh CADC-a CEM te hi a lo hrilh a ni.