Hmar Veng-ah chenna In pakhat luah zui ngam lo

Tunhnaia ruahsur nasa avangin Serchhip Hmar Veng-a chhungkaw pakhat chenna In chu luah zui ngam a nih loh avangin nimin khan an bungrua te thiarchhuakin an In chu thiah then a ni.
Thudawn danin Serchhip Hmar Veng mawng lam, tunhma lama Sports Complex panna kawng ni thin a Lalchhuanliana te In leh a vel hi tunhnai ruahsur ah nasa taka khiin Thawhtanni vel atang khan an In awmna mual vel hi a che tan tawh a, lei hi a chet zui zel avangin nizan hmasa khan In neitute hi riakchhuakin nimin khan mi tlawmngai ten leikhi te hi an hnawh bakah an In hi thiah a ni a, luahzui ngam a ni tawh rih lo a ni.

He chhiatna thleng hi sawrkar thuneitute hnenah pawh hriattir ni tawhin nimin khan VC leh YMA te chuan hnatlangin an In hi an thiat a, vanduaina tawk te hi Serchhip Sports Complex a hmun remchang ah chen lailawk tir tura ruahman an ni bawk.

Tunhnaia ruahsur nasa avang hian New Serchhip Kikawn-a Lalduha te chenna In chu a kawmthlang lam nasa taka a min avangin an bungrua te hi thiarchhuah a lo ni tawh bawk a ni.