Damdawi In bawlhhlawh sawngbawlna tur hawng

Damdawi In bakah Clinic leh Healthcare Facility zawng zawngte Medical Waste sawng-bawlna hmun, Common Bio Medical Waste Treatment Plant chu nimin khan UD&PA Department changtu Minister K. Sapdanga chuan a hawng.

Health & Family Welfare Dept in tun thla ni 22-a thuchhuah a siam angin ‘Trial run’ chu AMC Area Aizawl Smart City Ltd. hmalakna zinga project pakhat Tuirial-a Common Bio Medical Waste Treatment Plant hi Bio Medical Waste Management Rules 2016-in a phut anga din a ni a. Mizoram-ah hetiang Treatment Plant neih hmasak ber tur a ni a, mipui vantlang hriselna lamah he project hi ram hmasawnna rahbi pawimawh tak a ni. He Treatment Plant hian District panga - Aizawl, Kolasib, Mamit, Serchhip leh Saitual District-te a huam a, heng District-a damdawi In, Clinic leh Healthcare Facility awm zawng zawng Medical Waste hi a khawnkhawmtu bawlhhlawh Motor bik awmin Turial-a Treatment Plant-ah hian paihin khawl hian bawlhhlawh chu a lo sawng-bawl dawn a ni.

Health & Family Welfare Dept in tun thla ni 22-a thuchhuah a siam angin ‘Trial run’ chu AMC Area bikah thla hnih chhung atan ASCL-in a kalpui dawn a, hemi rual hian Saitual District bikah H&FW Department-in enchhinna thla hnih chhung a kalpui dawn bawk a ni.

Damdawi In bawlhhlawh sawngbawlna hian khawl chi li (4) a nei a. Bawlhhlawh hlauh-awm leh hri kai hal raltu khawl, bawlhhlawh ti thianghlimtu (sterilize) khawl, bawlhhlawh thial sawmtu khawl leh tui leh damdawi thli lo ti thianghlimtu khawl te a ni a. Bawlhhlawh phurtu motor-te hi silfai nghal zel tur an nih avangin Treatment Plant-ah hian silfaina hmun a awm nghal a, bawlhhlawh dahkhawmna hmun bik pawh felfai taka siam niin power khaihlak changa khawl chawm thei tur Generator 250KVA a hmunah hian dah a ni bawk a, Project cost hi cheng vbc. 9.71 a ni.