Aspirational District, Mamit-a hmalakna thlirho

Sawrkar laipui Ministry of External Affairs-a Director M. Keivom chuan nimin khan Mamit tlawhin Aspirational District, Mamit hnuaia hmalakna leh hmasawnna hrang hrangte Department hotute nan an sawiho.

Hemi puala thutkhawm Mamit DC Office-a Taitesena Buk-a neih ah M.Keivom chuan India Sawrkar hnuaia hna a thawhna kawngah a tawnhriat hrang hrangte sawiin, Mamit District chhunga hmasawnna hna hrang hrang a nihna tur ang taka thawk tur leh Aspirational District an nihna atanga khaichhuah kn nih theih nan theihtawpchhuah turin Officials-te a chah a, ADP hnuaia project hmalakna hrang hrangah a chhawr tangkaitu turte hnen atanga thurawn lak a pawimawh thu leh project siamtute tan tunlai hmasawnna mil a training neih that a tul thu a sawi bawk.

He hunah hian Mamit District Bawrhsap VL. Remliana chuan Mamit District dinhmun tlangpui sawiin, District-in hma a sawn zelna tura tanrualna tur hrang hrangte a tarlang bawk a. Grace Lalremdiki, SDC chuan Aspirational District, Mamit-in District hnufual chawikanna atana hmasawnna hna kal mek leh zawh tawhte, hmabak la awmte a lem nen a tarlang a, Sawrkar laipui kaltlanga NITI Aayog atanga sum cheng vbc. 19 hmuh a ni a, tunah hian vbc. 2 lokal mekin hei hi nikum August, 2023-a Overall ranking-a pangana an nih avanga Award baka a kentel a ni. Mamit District hian tehna hrang hrangah pawh dinhmun duhawm tak tak a lo hauh tawh a, Pakhatna dinhmun bakah tehkhawng hnuhnung ber August, 2023 ah khan Overall-ah pangana dinhmun a hauh mek a ni.