ASF vangin Vawk 20 thiin 57 suat belh leh a ni
Serchhip-a AH&Vety Department chhinchhiahna atanga a lan danin nimin khan Serchhip District-a Veng leh Khua 8-ah Vawk thi chhinchhiah belh leh niin Chhiah-tlang, Serchhip Hmar Veng leh P&E Veng-ah te Vawk pathum theuh a thi a, East Lungdar leh Serchhip Chhim Veng-ah Vawk pahnih leh Thenzawl leh New Serchhip South-ah te Vawk pakhat ve ve a thi bawk a. Vawk thi chhinchhian la awm lohna Serchhip Kawnpui-ah Vawk thi 5 awm bawkin nimin a ASF vanga Vawk thi hi a vaiin 20 an ni a, Serchhip Town chhunga VC area tin ah Vawk thi chhinchhiah a awm ta a ni.
Nimin khan Serchhip District-a Veng leh khua 12-ah Vawk 57 zet suat leh a ni bawk a, nimin thleng khan Serchhip District-a khaw 29-ah chhungkaw 1062 ten ASF vang hian har-satna hi an tawk tawh a, kumin chhunga ASF vanga Serchhip District-a Vawk thi hi 1348 tling tawhin Vawk 3541 zet suat a ni tawh bawk a ni. Serchhip District-ah hian Veng leh khua 14 te chu ASF hri lenna hmunah hian puan a ni tawh a, Vawk thihna dang te hi RAgT hmanga enfiah ah hri kai nia rinhlelh te a ni hlawm a. Serchhip District-a thingtlang khaw thenkhat ah erawh Vawk hri leng hi a ziaawm chho mek niin a lang thung.
Comments
Post a Comment