ASF vangin Serchhip District-ah Vawk 1407 thi tawh
Nimin July 18, 2024 thleng khan Serchhip District-ah African Swine Fever (ASF) vangin Vawk 1407 a thi tawh a, ASF vanga Vawk thi tamna ber Thenzawl-ah 441 a thi tawh a ni.
AH&Vety Department chhinchhiahna atanga a lan danin Serchhip District-a Veng leh khua 28-ah kumin hian chhungkaw 1082 ten ASF vanga harsatna hi an tawk mek a, nimin thleng khan Vawk 1407 thi tawhin Vawk 3687 suat a ni tawh bawk a ni. Heng khaw hrang hrang zingah hian Thenzawl-ah ASF vanga Vawk thi tam berin nimin thleng khan Vawk 441 a thi tawh a, nimin khan Then-zawl-ah hian Vawk thi 13 lai a awm belh leh bawk a, vawk 3 suat belh leh ni bawkin Vawk 206 suat a ni tawh a ni. ASF hri leng avanga Vawk thi leh suat tam berna erawh Chhingchhip khua niin Chhingchhip khua ah hian ASF vanga Vawk thi 37 awm tawhin Vawk 1269 suat a ni tawh bawk a, an khua ah hian ASF vanga Vawk thi leh suat 1306 a awm tawh a ni.
AH&Vety Department chhinchhiahna atanga a lan danin Serchhip District-a Veng leh khua 28-ah kumin hian chhungkaw 1082 ten ASF vanga harsatna hi an tawk mek a, nimin thleng khan Vawk 1407 thi tawhin Vawk 3687 suat a ni tawh bawk a ni. Heng khaw hrang hrang zingah hian Thenzawl-ah ASF vanga Vawk thi tam berin nimin thleng khan Vawk 441 a thi tawh a, nimin khan Then-zawl-ah hian Vawk thi 13 lai a awm belh leh bawk a, vawk 3 suat belh leh ni bawkin Vawk 206 suat a ni tawh a ni. ASF hri leng avanga Vawk thi leh suat tam berna erawh Chhingchhip khua niin Chhingchhip khua ah hian ASF vanga Vawk thi 37 awm tawhin Vawk 1269 suat a ni tawh bawk a, an khua ah hian ASF vanga Vawk thi leh suat 1306 a awm tawh a ni.
North Vanlaiphai-ah pawh nimin thleng khan ASF vanga Vawk thi 251 awm tawhin Vawk 437 suat a ni tawh bawk a, Chhuanthar Tlang-nuam ah Vawk 100 thi tawhin Vawk 458 suat a ni tawh a, Baktawng-ah Vawk 112 thi tawhin 235 suat a ni tawh a, Keitum-ah Vawk 40 thi tawhin 250 suat a ni tawh bawk a, Khumtung-ah Vawk 82 thi tawh bawkin 252 suat a ni tawh bawk.
Serchhip-a Veng hrang hrangah ASF vanga Vawk thi hi a awm deuh reng bawk a, Hmar Veng ah Vawk 49 thi tawhin 35 suat a ni tawh a, New Serchhip South-ah Vawk 38 thiin 65 suat a ni a, Chanmari Veng-ah Vawk 31 thiin 101 suat a ni tawh bawk a ni.
Comments
Post a Comment