ASF la ziaawm hlei thei lo

Serchhip District-a Vawk hri, African Swine Fever (ASF) leng chuan ziaawm lam ala pan thei tak tak lo niin a lang a, nimin khan ASF vanga Vawk thi 32 lai a awm leh a ni.
ASF hri leng mek avang hian nimin khan Serchhip District-a Veng leh khua 10-ah Vawk 32 zet a thi leh a, Vawk thi tamna ber Thenzawl-ah Vawk 9 thi lehin an khua ah hian ASF vangin kumin ah Vawk 475 zet a thi tawh a, Piler-ah Vawk 5 thiin Baktawng leh Lungchhuan-ah pali ve ve a thi a, North Vanlaiphai leh Serchhip Dinthar-ah pathum ve ve thiin East Lungdar, Serchhip Hmar Veng, P&E Veng leh Field Veng-ah pakhat theuh a thi bawk.

Nimin vek khan Veng leh khua 13-ah Vawk 96 zet suat leh a ni bawk a, khaw pakhat a Vawk 10 leh a aia tam suatna khua pali lai ala awm bawk a. Heti hian kumin chhungin Serchhip District-a Veng leh khua 29-ah ASF vangin Vawk 1557 a thi tawh a, Vawk 4116 suat ni tawhin hri leng avang hian chhungkaw 1172 ten harsatna an tawk tawh a ni.