YMA Sub-Hqrs. Serchhip SEC thutkhawm neih a ni

Serchhip Sub-Hqrs. YMA chuan nimin khan Sub-Hqrs. YMA Executive Committee (SEC) thutkhawm neiin an hmalakna tura pawimawh thil chi hrang hrang an rel.
Serchhip Sub-Hqrs. YMA Conference Hall-a SEC thutkhawm hi an President Kawlthuama chuan kaihruaiin kumin-a YMA Sub-Hqrs. YMA Rorel inkhawm thurel leh SCC Meeting in hmalakna tur an rel hrang hrang bawhzui dan tur ngaihtuah a ni a, hei bakah hian kum 2024-2025 chhunga Sub-Hqrs. YMA Committee peng hrang hranga Treasurer leh Member tura ruat te chu thlirin pawmpui a ni bawk.


Tunkar Inrinni-a YMA Day lo thleng tur pualin Serchhip Sub-Hqrs. YMA hian Serchhip a Home, Damdawi In leh Centre hrang hrang 8 ah thilpek Rs. 2000/- theuh hlan nise an ti a, hei bakah hian YMA Day hmanpui tura sawmna an hmuh-a kal turte ruatin Serchhip Damdawi In ah a mamawh apiang ten a thlawna Kuang an hman tur dah a nih leh theih nan Branch hrang hrangte hnenah ngenna siam leh nise an ti bawk.

Serchhip Sub-Hqrs. YMA Executive Committee thukhawm hian an Treasurer nilai Zolianmawia chu a hnathawhna avanga hmundang ah a awm tak avangin a aiawh turin R. Chalhming-liana SEC (Serchhip Kawnpui North Branch) chu an thlang bawk a ni.

Comments

Popular News (Last 30 Days)

Serchhip DCSO sawn a ni