Serchhip Hmar Veng-a Vawk thi Sample thawn dawn

Tunhnaia Serchhip Hmar Veng-a Vawk thi te African Swine Fever (ASF) vanga thi nia rin-hlelh a nih avangin mipuite chu fimkhur tura chah an ni.
Serchhip-a District AH&Vety Officer Dr. H. Vanlalrawna chuan tunhnai khan Serchhip Hmar Veng-ah chhan hriat loh a Vawk thi a awm thu sawiin, heng te hi nizan hmasa khan Sample enfiah a niin RAT hmanga enfiah ah ASF vanga thi nia rinhlelh an nih thu a sawi a, hei vang hian an Sample te hi hmunpui zawka enfiah tura lak a ni tih sawiin, hei vang hian mipuite chu fimkhur tura chah an nih thu leh hri laka kan ran te a him theihna turin ran dahna hmuna inkalpawh loh a that thu a sawi a, Vawk damlo nei te chuan thuneitute hriattir vat tur a nih thu a sawi bawk.

Hetihlai hian nimin thleng khan Serchhip District chhunga khaw pathum-ah ASF vanga Vawk thi 93 a awm tawh a, Khumtung khua ah Vawk thi tam berin 57 a thi tawh a, Chhingchhip khua ah 30 thiin Baktawng-ah 6 a thi tawh bawk a, nimin khan Chhingchhip-ah vawk thi 4 a awm belh leh a ni. Serchhip District-ah hian ASF vanga Vawk suat 921 a awm tawh bawk a, heng te hi Chhingchhip-ah 752, Khumtung-ah 159 leh Baktawng-ah 10 te a ni bawk.