Serchhip District-ah tluang takin Vote chhiar

Kumin April 19-a Mizoram Lok Sabha Inthlanpui neiha Serchhip District-a Vote tla te chu nimin khan tluang taka chhiar a ni.
Lok Sabha Inthlanpui-a Vote tla te chhiar tur hian nimin zing dar 5:00 khan Counting Observer te hriatpuina in Counting Official 3rd Randomization neih a ni a, zing dar 7:00-ah EVM dahna, Strong Room te chu Political Party te hriatpuina hnuaiah hawn niin zing dar 8:00 atangin EVM-a Vote tla te hi chhiar tan a ni a, chawhma dar 10:00 vela EVM-a Vote tla te hi chhiar zawh niin EVM hman zinga thenkhat te chu VVPAT-a Vote tla chhiar te a tul avangin chhun dar 12:00 rik hma deuhin Vote tla te hi chhiar zawh a ni. Serchhip District chhung Polling Station hrang hranga Candidate te Vote hmuh dan kimchang chu a hrana tarlan a ni.


Serchhip District chhunga Assembly Segement pathum (3)-a Polling Station 88 awmah ZPM party Camdidate in Vote hmu sang ber nihna Polling Station 81-ah a hauh a, MNF Candidate K. Vanlalvena chu Polling Station 4-ah Vote hmu sang ber niin INC Candidate Lalbiakzama chu Polling Station 3-ah Vote hmu sang ber a ni bawk.

26-Serchhip (ST) AS-a Polling Station 29-ah ZPM Candidate Richard Vanlalhmangaiha chuan Vote a hmu sang ber vek a, 27-Tuikum (ST) AS-a Polling Station 32 awm ah ZPM Candidate hian Polling Station 27-ah Vote hmu sang ber nihna hauh bawkin INC Candidate Lalbiakzama chuan Polling Station 3 leh MNF Candidate K. Vanlalvena chuan Polling Station pahnih-ah Vote hmu sang ber nihna a hauh bawk a. 28-Hrangturzo (ST) AS-a Polling Station 27 awm ah ZPM Candidate hian Polling Station 25-ah Vote hmu sang ber nihna hauhin MNF Candidate K. Vanlalvena chuan Polling Station pahnih ah Vote hmu sang ber dinhmun a luah bawk a, heng te hi North Mualcheng khuaa Polling Station pahnih-ah te a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man