Serchhip-ah Silaimu tam tham tak an man

Zirtawpni kalta khan Serchhip-ah Silaimu thahnem tak leh he thil-a inhnamhnawih nia hriat mi pahnih te chu man an ni.
Thudawn danin Mizoram Police CID (SB) leh Serchhip Police Station-a duty te chuan Zirtawpni khan Serchhip Darnam Veng a Lalduhzuali te In-ah Silai AK-47 mu (7.62x39mm) 1980 an man a, he thil-a inhnamhnawih nia hriat Lalchhanhima (44), Leisen (Myanmar) leh Lalnunnema (31), Thantlang (Myanmar) nia insawi te chu manin Serchhip Police Station-ah thubuai ziahluh nghal a ni a, Arms Act bakah MV Act leh Foreigner Act hnuaia thubuai siam sak niin an lirthei hman Kenbo Bike pawh man nghal a ni bawk.


Heng mi an man te hian Silaimu hi Myanmar atangin Mizoram-ah hralh turin an rawn keng niin an sawi a, heng Silaimu te hi pakhat Rs. 550/- man vel nia chhut niin a vaiin Rs. 10,89,000/- man vel nia chhut a ni. Police te chuan heng mi te hi thu zawtfiahin Myanmar atanga a hranga lo kal niin an insawi a, pakhat zawk hian he thil hi a hriat ve loh thu a sawi thung a, amaherawh chu Police te chuan an pahnih hian thubuai siam sakin Vawiin hian Court-ah hruai an ni ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man