Remna Ni hmang leh dawn

Mizo Zirlai Pawl (MZP) General Headquarters hruaitute chuan nimin khan Chief Minister Lalduhoma chu a Office-ah hmuin Remna Ni 2024 hman dan tur chungchang an sawipui a, kumin a Remna ni, June 30 hi Pathianni a nih avangin, June 28, 2024 (Zirtawpni) chhun-ah LPS Arena, Falkland, Aizawl-ah hun hman a ni dawn a, Chief Minister Lalduhoma hi khuallian a ni ang. Remna Ni-ah hian Remna a awm theih nana thawhhlawk te chawimawina neih leh a ni anga,MZP chuan  Mizoram-in remna leh muanna a neih champha-phâk pual hian Pathian hnenah lâwmthu sawi tawngtai nei turin mitin te an ngen a ni.