Ram danga hnathawk thawnchhuaktu Agency 29-te license sut a ni tawh

Mizoram sawrkar chuan ram danga hnathawk tur thawnchhuaktu Agency zingah dan zawm loh vangin mi 29-te License a sutsak (revoke) tawh.
ZALEN RTI zawhna, SPIO, Aizawl DC Office-in a chhan danin ‘The Mizoram Private Placement Agencies (Regulation) Act 2015’ hnuaiah Agency 44-te hnenah ram danga hnathawk tura thawn phalna license pek an ni tawh tih a sawi a. Agency-te phalna pek an nih thin dan chungchang zawhna chhangin ‘License diltute hi Police verification neih vek a ni a, an hnen atanga ‘No Objection’ dawna fee Rs. 5,000 an pek bakah Bank Guarantee-ah Rs. 1,00,000 an dah chuan phalna pek an ni’ tih a sawi a. Ram danga hnathawk tur thawnchhuak zingah sawrkar pawmpui loh (Aizawl DC hriatpui loh) a thawnchhuak Agency pahnih, Cherys Agency leh Blessing Agency an awm tih an tarlang bawk. Ram danga hnathawka chhuakte hi Hongkong, Macau, Malayasia, Oman, Singapore leh UAE-ah te an thawk tih sawiin, heng zingah hian awmpui ‘housemaid’ an tam ber a; a dangte hi Hotel, Nursing Home leh Healthcare Assistant etc. te an ni tih a sawi.

Mizoram atanga ram danga hnathawk awm zat sawrkarin a chhinchhiah leh chhinchhiah loh zawhna chhangin SPIO chuan ‘Agency-te hi The Mizoram Private Placement Agencies (Regulation) Act 2015 Sec. 8 (1)-in a phut angin hnathawka an thawnchhuahte, an thawnchhuah atanga ni sarih chhungin DC Office-ah thehlut tura hrilh hriat an ni a. An rawn thehluh thin loh avangin chhin-chhiahna mumal a awm lo’ niin a sawi a. Agency ten hnathawka an tirhchhuahte hnen atanga pawisa an lak zat chu Office lamin an hriatpui lo tih sawi bawkin, The Mizoram Private Placement Agencies (Regulation) Act 2015 chu siam that tura ruahman mek a ni tih a tarlang bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar