MZP in HSSLC-a Zirlai tithate chawimawina an hlan

Mizo Zirlai Pawl (MZP) General Hqrs. chuan Higher Secondary School Leaving Certificate (HSSLC) Examination 2024-a Top 3-a Mizo tlingte chawimawina hun nimin khan Aizawl Vanapa Hall-ah an buatsaih.

Nimin-a zirlai tithate chawimawina hun hi School Education Minister Dr. Vanlalthlana chuan khuallian nia hmanpuiin zirlai chawimawina dawngtute chu an bultanna a nih avangin an hmabak a la tam a. Hlawhtling zel turin theihtawp chhuah turin a fuih a, zirlaite chu an thiamna leh finna te Mizoram tana hmang tur leh hlawhtlinna la chang ve rih lote pawh beidawng mai lo a bei nawn turin a fuih bawk.

He hunah hian HSSLC 2024-a Top 3-a Mizo tling mi 8 te hnenah chawimawina hlanin heng mite hi mipa 5 leh hmeichhia 3 an ni a, chawimawina thuziak leeh tangkafai Rs. 5,000 theuh hlanin MZP President H. Lalthianghlima pawhin thu a sawi bawk a ni.