MNF in Candidate tur tifel

Tun thla ni 25-a Aizawl Municipal Corporation (AMC) Ward No. XIX Corporator thlanna atana by-election neih turah MNF Party Nomination Committee nimin-a thukhawm chuan an Candidate atan Dr. Lalrinzuali Hrahsel (32) chu an ruat nia thudawn a ni a, amah hi Dr ZR Thiam-sanga (Ex MLA) fanu niin Aizawl Kulikawn a cheng a ni a, Dental Surgeon niin BN Hospital-ah a thawk mek a ni. Tarlan tawh angin AMC Ward No. XIX-a bye-election neih turah hian naktuk, June 6, 2024 thlengin inthlan chuh turte tan hming pekluh theih a ni dawn a, ZPM Party chuan an Candidate tur hi an puang tawh a ni.