MSCU General Conference Minister in a hmanpui

Mizoram State Cooperative Union (MSCU) Annual General Assembly vawi 35-na chu nimin khan Dawrpui Multipurpose Centre-ah neiin Cooperation Department changtu Minister PC. Vanlalruata chuan a hmanpui a ni.

He hunah hian Minister chuan Cooperative Movement pawimawhna sawiin, Mizoram State Cooperative Development Council pawh a rang lama din tum a nih thu a sawi a, Cooperative Society te chu midangte tana malsawmna nih tum tur leh Society mumal leh rintlak nih tum theuh tura chahin, indawmchhuak tawna hmasawn za tura thawhhona tha neih chu an thupui ber tur a nih thu a sawi bawk.

Mizoram State Cooperative Union Ltd. hi March ni 29, 1975 a din niin an hnuaiah hian Cooperative Society 1400 chuang an awm a, member 54,000 chuang awm bawkin tun dinhmunah thawktu nghet 20 leh Provisional Employee pakhat an awm a, Contract basis a thawk mi 5 (CEI 3 leh Binder 2) an awm bawk. Mizoram State Cooperative Unio hian anmahni pualin Bara Bazar, Dawrpui, Aizawl-ah Office-cum-Training Centre changtlung tak an nei a, Chawlhhmun, Aizawl-ah Junior Cooperative Training Centre (JCTC) building an nei bawk a ni.