MNF Thalai ten sawrkar hmalakna a hmunah tlawh

Mizo National Youth Front (MNYF) Hqrs. Aizawl hruaitute chuan Inrinni khan Durtlang leh Sihphir inkar kawng MNF hunlai atanga tihzauh hnathawh chu a hmunah kalin an en.

MNYF te chuan hetianga kawngpui tha MNF sawrkar Zoramthanga kaihhruaiin a lo ruahman chu ropui an tih thu sawiin, Mizoram dung leh vanga kawngpui lian leh tha tam tak siam zawh a ni tawh leh siam mek zel tam tak la awm chu MNF sawrkar nachang hriat vang a ni, an ti. He project hi Central Road Infrastructure Fund cheng nuai 4657 hmuh hmanga siam niin Km 10.25 a thui a ni a, he kawngpui bik hi cheng nuai 3553 hmanga siam a ni. He kawngpui zauh zawng hi metre 8 a ni ang a, motor chil tur chin hi metre 6 a ni ang. Kawngpui tha anih theih nana tul hrang hrang Retaining Walls, Hume pipes, RCC Slap culverts, Pucca side drains etc. pawh a tulna laiah siam vek niin tunah hian hna hi 40% zawh tawh a ni.

Inrinni vek khan Sawrkar hmasaa Deputy Chief Minister Tawnluia hmalaknaa Smart City sum hmanga siam Chite Veng Football Ground pawh MNF thalaite hian an tlawh bawk a. Chite Veng Field hi a tihzauhnan RCC-a a field dung tluan dawhzawm niin cheng nuai 840 senna project-ah hian Phullem phah niin Cafetaria te pawh siam tel a ni a, April 2024 khan zawhfel a ni.