Leimin-ah ruang hmu leh

Thla hmasa May 28-a leimin in chenna In a hnawlna, Melthum-ah nimin khan mi tlawmngai ten leimin in a hnawl te ruang zawn hna thawk lehin ruang pakhat hmuh belh leh a ni a, ruang hi enfiah a nih hnuah Deborah Lallawmawmi (11) d/o R. Lalmuanzova ruang a ni tih finfiah a ni a, a pa ruang an hmuh tawhna thlang deuh mai ah ruang hi hmuh a ni. Thudawn danin ruang an hmuhna hi lei hnuai, Culvert chhungah a ni a, helai ah hian ruang a awm rinna a awm avangin nimin khan Hlimen khawtlang chuan zing atangin an hai a, tlai lamah ruang hi hmuh niin lakchhuah nghal a ni a, heti hian Melthum-a leimin in In a hnawl avanga nunna chan mi 19 zinga mi 16 te ruang chu hmuh a ni ta a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar