CM in IT Deptt. hotute kawm

Chief Minister Lalduhoma chuan nimin khan a Pisa-ah Principal Chief Commissioner of Income Tax, North East Region Chaitali Panmei IRS leh a thawhpuite a kawm a, Chief Minister chuan Mizoram-ah Income Tax pe hnathawk engemawzat an awm thu sawiin, Silchar-ah lehkha tifel turin kal a ngai thin a. Heng mite tana awl-samna a awm theih nan Aizawl-ah IT Department in Office nei ve thei se thaa a rin thu a lo hrilh a ni. He hunah hian Chaitali Panmei-i hian hmalak an tum dan te, Mizoram sawrkar thawhpuina an mamawh thu te Chief Minister hnenah hian a thlen a ni.