Lawngtlai District-ah raltlan mi 7794 awm mek

Lawngtlai District chhunga khaw hrang hrang ah rampawn atanga sahimna zawnga raltlan mi 7794 an awm mek.

Nimin khan Lawngtlai-ah District Level Committee on Myanmar and Bang-ladesh Refugees chu an Chairman leh District Bawrhsap Cheemala Siva Gopal Reddy hovin  an thukhawm a, he huna tarlan a nih danin tun dinhmunah Lawngtlai District chhungah Myan-mar atanga raltlan lo lut mi 5,922 awm mekin heng te hi mipa puitling 1,860; hmeichhe puitling 2,049 leh kum 18 hnuailam 2,013 te an ni a, Relief Camp 38-ah leh khaw hrang hrang 55-ah an awm darh a ni. Myanmar atanga raltlan lo lut chhinchhiah hnuhnung ber chu April ni 25, 2024-a Hruitezawl a lo lut an ni.

Bangladesh atanga raltlan mi 1,872 awm mek bawkin heng te hi mipa puitling 580; hmeichhe puitling 499 leh kum 18 hnuailam 793 te an ni a, heng te hi Relief Camp 12-ah leh khaw hrang hrang 11-ah an awm darh a. Bangladesh atanga raltlan lo lut chhinchhiah hnuhnung ber chu June ni 3, 2024 kha a ni a. Kum 2021 atang khan raltlan hi an rawn lut a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man