Chief Minister hnenah Taekwondo chawimawina hlan

Mizoram Amatuer Taekwondo Association, World Pro Taekwondo Headquarters leh World Taekwondo Headquarters, Kukkiwon te tangkawp chuan nimin khan Chief Minister Lalduhoma hnenah Honorary 7 Dan (Black Belt) leh Certificate of appreciation an hlan.

He hunah hian chawimawina hlantu Taekwondo Association te chuan, Mizorama Taekwondo hmasawnna a that vang te, sawrkarin a thawhpui that vang te, India Taekwondo dinhmun chawikanna atana Chief Minister thawh-hlawk vang te leh Taekwondo a lar zel theih nana amahah beiseina sang tak an neih vang te a hlan an nih thu an sawi a. Khawvel hruaitu ropui tak tak te hnenah hlan tawh thinin, Chief Minister lo ni tawh Lal Thanhawla hnenah pawh 1 Dan (Black Belt) an lo hlan tawh a ni.

Chief Minister Lalduhoma hnena Belt an hlan hi India rama Dan sang ber a ni a, Grand Master Prof. Hee Do Kim chuan Certificate hlanin Belt hi a hren tir a, Chief Minister chuan lawmthu sawiin, an kal zelna turah duhsakna a hlan bawk a ni.