Chawmkai leh Thinglubul inkar kawng siam enfiah
International Fund for Agriculture Development (IFAD) atanga sum hmuh hmanga Chawmkai leh Thinglubul inkar Agriculture Link Road siam hna hi Senhri Consultancy Firm te chuan thawkin Serchhip ZPM Block Thalai leh Media Department te hian hnathawktute an kawm a, hnathawktute chuan Cyclone Remal in harsatna a siam avanga an hna hi an chawlh lailawk hnuah nimin khan hna an tan leh chiah tih an lo hrilh a, an hnathawhna kawngah harsatna em em an neih loh thu an lo hrilh bawk a ni.
Chawmkai atanga Thinglubul panna kawng PCC hmanga siam mek hi KM 6.4-a thui tur niin tunah hian KM 2.7 chu an siam zawh tawh thu hnathawktute chuan an sawi a, he hna thawktute chuan an hnathawh hi an zawhfel hnuah kum khat dang an enkawl zui dawn tih sawiin, an hnathawh mek te Nul neitu ten an zah sak chu an lawm hle tih an sawi a, hetianga an hnathawh ngaihvenpuitu an nei chu lawmawm an tih thu an sawi bawk a ni.
Serchhip ZPM Block Thalai leh Media Department te chuan he hna thawh mek hi kumin April 24 khan a hmunah kalin an lo tlawh tawh bawk a, he kawng siam ah hian kawng chhuat ah Meter 3-a zau in GSB phah a ni a, chumi chungah chuan meter 2-a zau, Inches 4-a chhah in PCC a chhun leh a ni a, helai hmuna hnathawktute chu hna tha leh rotling thawk tura chahin, Kut hnathawktute tana feh kawng leh Thlai phurhchhuahna tur kawng tha leh rotling siam a nih theih nan an theih ang angin an vil a ni.
Comments
Post a Comment