Champhai-ah Skill Development & Entrepreneurship Incubation Centre hawng

Champhai North bialtu MLA leh Adviser to Chief Minister (Technical) Er. H. Ginzalala chuan nimin khan Champhai-ah 'Skill Development & Entrepreneurship Incubation Centre' a hawng.

CHANEM building-a 'Skill Development & Entrepreneurship Incubation Centre' hawnna hunah hian Adviser to CM (Technical) Er. H. Ginzalala chuan Skill Development & Entrepreneurship Incubation Centre chu Office mai bakah training neihna tur a nih thu sawiin, a chhung bungrua mamawh angte DC Office-in a ngaihtuah chu lawmawm a tih thu a sawi a, enkawla thutchilh tur mi 2 dah thuai a nih tur thu leh Incubation Centre chu idea thawhkhawmna tur hmun a nih thu a sawi bawk.

He hun hi Champhai Addl. DC K. Zorammuana chuan kaihruaiin kalkhawmte lawmna thu a sawi a. Skill Development & Entrepreneurship Incubation Centre atan DC Office atangin Office mamawh item 37 dah a nih tur thu a sawi a. Lalruatpuia, PS to Adviser to CM (Technical) in Skill Development & Entrepreneurship Incubation Centre awmzia leh kalphung bakah hmalak dante a sawifiah a, Vanlalpara, DMO-in Incubation Centre atana hman tur white board, Commerce & Industries Department, Commerce Wing atanga pek chu a hlan bawk.