By-Election atan Roll tlangzarh

Lai Autonomous District Council (LADC) hnuaia 12-Lawngtlai Chandmary MDC bial-a by-election neih tura hman tur Electoral Roll thar chu nimin khan tlangzarh a ni a, he Bial-ah hian Polling Station pali awmin Vote nei thei mipa 1,366 leh hmeichhia 1,524; an vaiin 2,890 an awm a ni. LADC-ah hian Member of District Council (MDC) bial 25 awmin kum 2020-a MDC thlanna neih ah khan Lawngtlai Chandmary bial atang hian Dr. Lorrain Lalpekliana Chinzah chu thlantlin a ni a. MLA Inthlanpui 2023-a Lawng-tlai East bial-a MLA atana thlantlin a nih tak avangin Dr. Lorrain Lalpekliana Chinzah hian MDC nihna chu bansanin by-election buatsaih a tul ta a ni.