Best Horticulture Farmer-ah C. Lalngaihsaka

Horticulture Department chuan nimin khan District hrang hranga ‘Best Horticulture Farmer’ atana thlan te hnenah lawmman hlanin Serchhip District atangin C. Lalngaihsaka, Bazar Veng chu ‘Best Horticulture Farmer’ atan hian thlan a ni.

‘Best Horticulture Farmer’ lawmman hi Horticulture Minister Prof. Lalnilawma chuan RB McCabe Hall, Aijal Club-ah hlanin Serchhip District atanga lawmman dawngtu C. Lalngaihsaka S/o C. Khuangawia, Serchhip Bazar Veng hian Serchhip Mat Phai Tuisen Zau-ah Hectare 4-a zau-ah thlai a ching a, Zikhlum, Bawkbawn, Hmarchapui, Samtawk, Tomato, Vaimim, Antam, Brocolli, Bean, Chana, Changkha leh Bok Choy te chingin kum 1972 atang khan an chhungkua hian hma an lo la tan tawh a, kum 2012 khan ama pual-a Nul hi nei tanin kum thum (3) kalta chhung khan an thlai chin atang hian cheng nuai 39 vel zet an lalut a, kum kalta 2023-ah khan cheng nuai 16 vel lalut anga chhut an ni bawk a. An sum lakluh atang hian chenna tur In tha tak an sa a, an hnathawhna atana tangkai turin Motor pawh an lei bawk a ni. He chawimawina hian thuziak leh pawisafai Rs. 10,000/- a kengtel a ni.