ZPM sawrkar hi a bilhah a tho lo - TC. Pachhunga

MNF Adviser leh MLA hlui TC. Pachhunga chuan ZPM sawrkar chu a bilhah a tho lo nasa em em nia sawiin, “An insawi ang an ni lo a, mipui beisei an pha lo nasa em em a ni,” a ti.

MNF Party in nimin-a Aizawl Mizo Hnam Run-a Chhung Inkhawm an neih ah TC. Pachhunga chuan raltlan chungchangah Chief Minister Lalduhoma chuan Central sawrkar a thil phal thu a sawi tih sawiin, “Chutih laiin RTI chhannaa a lan danin Central-in raltlan chhawmdawlna cheng khat mah min la pe lo. MNF sawrkar khan zahawm takin kan unau raltlante kha a tuamhlawm a ni,” a ti a. “Sum enkawl thiam lo ah MNF min puhtute khan vaibelchhe tam tak sum an puk tawh a, SASCI sum thahnem tak an ti lapse bawk. Vaibelchhe 110 thlai thar lei nan an dah thu Larsap-in a sawi a. Pakhatmah Finalcial Year hluiah khan an lei lo a ni,” a ti bawk.

Kuhva ro tawlhruk pawh Home Minister K Sangdanga'n, ‘Thla khat chhungin kan titawp ang,’ a ti tih sawiin TC. Pachhunga chuan, “An titawp lo nasa em em a, High Court atangin insawifiah turin an ti ta hial zawk a ni,” a ti a. “Inremchenna kalpui tura insawi siin MLA hamthatna hrang hrang nasa takin an tipung a. CM Adviser 5 an neihte senso te hi a tam uchuak em em a ni. Nuam an tawl a ni ringawt mai a ni,” a ti. ‘Contract hna contractor ngeiin an thawk tawh ang,’ tia an sawi te chu mumang mai a chang zo ta nia sawi bawkin, “ZPM mi leh sa in hlir Work Supervisor an inruat a, contract hna an thawk mup mup mai a ni. Tin, Lei man nasa takin an tipung bawk a ni,” a ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar