Sawrkar hrawn ten mipui an ti beidawng niin sawi

BJP Mizoram President Vanlalhmuaka chuan Sawrkar kan hrawn thin ten Mizoram mipui min ti beidawng niin a sawi.

BJP Mizoram State in Aizawl-a an Office, Mipui Run-a Friday Political Session nimin-a an neih ah BJP President Vanlalhmuaka chuan Party thenkhat, Party dang Manifesto ruk saka, mahni tih ang maia kalpui thin an awm nia sawiin, “BJP erawh Party dang Manifesto a rûksak ve ngailo,” a ti a. Mizorama sawrkar tawhte chungchang sawiin, “Kan Sawrkar hrawn tawh te kal hmang en hian 'Time Pass' nana Sawrkarna siam mai mai hi an ang thin hle a, Manifesto nei tha hle mahse tih hlawhtlin theih loh avanga chhuanlam tur zawng reng thin Sawrkar kan hrawn thin te hian Mizoram mipui min ti beidawng a, kan ram leh hnam hian a tuar phah hle niin a lang,” a ti bawk.

Narendra Modi kaihhruai sawrkar term thumna tur chu a hma aia chak leh nasa in a piang leh dawn nia sawiin, “Kum 10 chhunga mipuite tana an hnathawh rah avangin tun tum Lok Sabha Inthlanpui ah pawh hian a hma aia chakna zawkin sawrkarna kan siam leh dawn a ni. Kan Sawrkar leh chhan tur bulpui ber chu Mipuite hmaa kan intiamna, 'Manifesto' anga hna kan thawh vang a ni,” a ti bawk.