Skywalk leh Ropeway thubuai chhui mek zel

Sakawrhmuituai tlang-a Skywalk leh Chaltlang - Durtlang inkara Ropeway siam chungchang chu Anti-Corruption Bureau (ACB)-in an la chhui mek.

Thulakna in a tarlan danin Skywalk leh Ropeway thubuai hi ACB chuan ngawrh takin chhui mah se, an la chhui zo hnai dawn lo a, buaipui leh zirchian ngai engemaw zat la awmin ACB hian a hmunah PWD-te nen enfiah tul an tih avangin a huhoa enfiah a tul thu PWD an hriattir a; PWD chuan enfiahnaa kal tur Engineer an ruat tawh a, hun remchang hmasa berah an enfiahho dawn a. Ropeway leh Skywalk siamtu JV NEIP hi Delhi-a awm an nih avangin chhui hun chhung a rei a, JV NEIP hian tunhma chuan Aizawl-ah pisa an nei thin a, tunah chuan nei tawh lovin Delhi-a kalchilh emaw, Mizoram-a koh chhoh emaw a ngai thin a ni.

Tarlan tawh thin angin, MNF Party-a Vigilance Department leh Legal Board chuan Skywalk leh Ropeway siamna ah thil dik lo a awm nia ngaiin November 22, 2021 khan Lokayukta-ah Complaint an thehlut a. December 7, 2021 khan Mizoram sawrkara Vigilance Department-ah chhui phalna thehluh a ni a; Vigilance chuan a zirchian hnuah December 17, 2021 khan chhui phalna a tichhuak a, ACB-in December 22, 2021-ah dawngin January 2022 laihawl velah a chhui tan a ni. Tourism Department pawhin Skywalk leh Ropeway chungchang chu Director hmingin February 3, 2022 khan Lokayukta-ah an thlen a, Lokayukta hian thil chi hrang hrang an zawt let bawk a ni.

Comments

Popular News (Last 30 Days)

LPG man bithliah thar