PHE Department in ruahtui khawl uar turin an ngen

PHE Department chuan Serchhip mipuite chu ruahtui khawl uar lehzual turin an ngen.

PHE Serchhip WATSAN Division-a Executive Engineer Er. Isaac Lalchhuanmawia chuan Serchhip District-ah Cyclone Remal avanga thlipui leh ruahpui in a tihchhiat thawmthat hna thawh mek a ni tih sawiin, PHE Department pawhin chak taka hma la in tui semdarhna Pipeline chhia te leh khawl chhia te thlak leh siamthat hna chak takin an thawh mek thu leh Serchhip khawpui chhungah mipui ten khaihlak lova tui an dawn theih nan ruahmanna siam a ni tih a sawi a. Serchhip khawpui chawmtu khawlpui chhia siam mek a nih thu leh Tek in a denchhiat tak 250kVa Transformer thlak lailawkna turin 100kVa Transformer lak a nih thu a sawi a. Tun dinhmunah he khawl hmang hian Serchhhip khawpui chhung Veng tinah tui sem leh theih a ni tawh thu leh kalphung pangngai pha leh tur chuan chawlhkar hnih (2) vel nghah a la ngaih thu a sawi bawk a ni.

PHE Department chuan Tui renchem kawngah tan la tur leh ruahtui khawl (rain water harvesting) chu uar lehzual turin chhungtin te an ngen thu pawh sawiin, mahni In theuhah a remchan dan anga ruahtui khawlna siam turin chhungtin te an ngen bawk a ni.

Comments

Popular News (Last 30 Days)

LPG man bithliah thar